Aarti Dnyanraja Lyrics in Marathi
आरती ज्ञानराजा ।
महाकैवल्यतेजा ।
सेविती साधु संत ।
मनु वेधला माझा ॥
आरती ज्ञानराजा ॥ धृ.॥
लोपलें ज्ञान जगीं ।
हित नेणती कोणी ।
अवतार पांडुरंग ।
नांव ठेविलें ज्ञानी ॥
आरती ज्ञानराजा… ॥1॥
कनकाचें ताट करीं ।
उभ्या गोपिका नारी ।
नारद तुंबरू हो ।
सामगायन करीं ॥
आरती ज्ञानराजा… ॥2॥
प्रगट गुह्य बोले ।
विश्व ब्रह्मचि केलें ।
रामा जनार्दनीं ।
पायीं टकचि ठेलें ॥
आरती ज्ञानराजा… ॥3॥